Monday, November 10, 2008

കൃഷ്ണസ്തുതി

അംഗനാമംഗനാമന്തരാ മാധവോ
മാധവം മാധവം ചാന്തരേണാംഗനാ
ഇത്ഥമാകല്പിതേ മണ്ഡലേ മധ്യഗഃ
സജ്ഞഗൌ വേണുനാ ദേവകീനന്ദനഃ

കേകികേകാദൃതാനേകപങ്കേരുഹാ
ലീനഹംസാവലീ ഹൃദ്യതാഹൃദ്യതാ
കംസവംശാടവീ ദാഹദാവാനലഃ
സജ്ഞഗൌ വേണുനാ ദേവകീനന്ദനഃ

ക്വാപി വീണാഭിരാരാവിണാകമ്പിതഃ
ക്വാപി വീണാബിരാകിങ്കിണീനര്‍തിതഃ
ക്വാപി വീണാഭിരാമാന്തരംഗാപിതഃ
സജ്ഞഗൌ വേണുനാ ദേവകീനന്ദനഃ

ചാരുചന്ദ്രാവലീലോചനൈശ്ചുംബിതോ‌
ഗോപഗോവൃന്ദഗോപാലികാവല്ലഭഃ
വല്ലവീവൃന്ദവൃന്ദാരകഃ കാമുകഃ
സഞ്ജഗൌ വേണുനാ ദേവകീ നന്ദനഃ

മൌലിമാലാമിളന്മത്തഭൃങ്ഗീലതാ-
ഭീതഭീതപ്രിയാവിഭ്രമാലിങ്ഗിതഃ
സ്രസ്തഗോപീകുചാഭോഗസമ്മേളിതഃ
സഞ്ജഗൌ വേണുനാ ദേവകീ നന്ദനഃ

ചാരുചാമീകരാഭാസഭാമാവിഭുര്‍-
വൈജയന്തീലതാവാസിതോരഃസ്ഥലഃ
നന്ദവൃന്ദാവനേ വാസിതാ മധ്യഗഃ
സഞ്ജഗൌ വേണുനാ ദേവകീ നന്ദനഃ

ബാലികാതാളികാതാളലീലാലയാ-
സങ്ഗസന്ദര്‍‌ശിത ഭ്രൂലതാവിഭ്രമഃ
ഗോപികാഗീതദത്താവധാനഃ സ്വയം
സഞ്ജഗൌ വേണുനാ ദേവകീ നന്ദനഃ

പാരിജാതം സമുദ്ധൃത്യ രാധാവരോ
രോപയാമാസ ഭാമാഗൃഹസ്യാങ്ഗണേ
ശീതശീതേ വടേ യാമുനീയേ തടേ
സഞ്ജഗൌ വേണുനാ ദേവകീ നന്ദനഃ

No comments: